L'Academia Aragonesa de la Lengua ha aprebau, en os zaguers meses, la firma de convenios de colaboración con diversas entidaz locals aragonesas, con l'obchectivo de fomentar l'uso, la protección y la promoción d'as luengas propias d'Aragón. Lo pasau 22 de deciembre se formalizoron los convenios con a Comarca de Sobrarbe y los concellos de l'Aínsa-Sobrarbe y Estadilla.
[+]
L'Academia Aragonesa de la Lengua ha lanzau lo primer volumen d'a suya nueva publicación cientifica, la Revista de l'Academia Aragonesa de la Lengua (RAAL). Esta revista, d'acceso ubierto y revisada per pars, naix con l'obchectivo de promover la investigación y lo debat cientifico sobre l'aragonés y lo catalán en aragón, mirando de fomentar la suya dignificación y normalización. Lo volumen inaugural, ya disponible en linia y dirichiu per Javier Giralt Latorre, reúne un conchunto d'estudios de reconoixius especialistas que abracan disciplinas como la sociolingüistica, la paremiolochía, la dialectolochía, la lexicografía, la toponimia y la fonetica diacronica d'as luengas propias d'Aragón.
[+]
Lo Congreso d'os Deputaus, en colaboración con o Ministerio de Cultura d'o Gubierno d'Espanya van commemorar lo pasau chueves 26 de setiembre lo Día Europeu d'as Luengas con un acto de reconoixencia a lo plurilingüismo en Espanya en que participoron representants de totas las academias d'as luengas oficials y estatutarias.
[+]
O pasau mes de noviembre, os días 3, 4 e 5, se celebró en a ciudat d’Uviéu (Asturias), en o marco incomparable d’o Edificio Historico d’a suya Universidat, a 43a edición d’as Xornaes Internacionales d’Estudiu organizadas por l’Academia de la Llingua Asturiana e dirichidas por Ana María Cano e María del Carmen Muñiz. As tematicas d’as ponencias e as comunicacions presentadas fueron muito variadas, fundamentalment relacionadas con l’asturiano e a suya literatura. En ixa mesma semana, d’o 7 a o 10 de noviembre, se celebroron en Uviéu e Pravia as XXV Jornadas Literarias organizadas por l’Asociación de Escritores y Escritoras de Asturias, presidida por Mª Esther García López, con o lema “La función social de la literatura”.
[+]
Lo pasau 17 d'octubre, una delegación de miembros de l'Academia de la Lengua Aragonesa (AAL) va asistir a l'acto d'inauguración de l'anyo academico 2025–2026 de l'Acadèmia Valenciana de la Llengua (AVL), celebrada en Valencia.
Entre los representants aragoneses yeran o suyo president, secretario y tresorera, qui saludoron a los responsables de l'AVL y participoron en o programa oficial de conchunta con atras institucions academicas. Esta presencia refuerza los vinclos de colaboración y dialogo entre las dos corporacions en o campo d'as luengas propias y d'o treballo normativo, docent y de divulgación.
El darrer Col·loqui de la Societat d’Onomàstica (SdO) es va celebrar a Aragó entre el 24 i el 26 de maig de 2024, aquesta vegada coorganitzat per la SdO, l’Academia Aragonesa de la Lengua, l’Institut d’Estudis Catalans i els projectes de recerca Toponimia de Aragón, Cantabria i La Rioja i Toponímia de l’Arc Mediterrani (tots dos integrats en el macroprojecte Toponomasticon Hispaniae), i amb la col·laboració de l’Ajuntament de Mequinensa, l’Ajuntament de Calaceit, l’Institut d’Estudis del Baix Cinca (afiliat a l’Instituto de Estudios Altoaragoneses de la Diputació Provincial d’Osca), l’Associació Cultural del Matarranya, l’Institut Ramon Muntaner i l’Associació Coses del Poble (Mequinensa). Aquesta participació col·lectiva ha evidenciat, un cop més, que la implicació d’entitats i institucions properes al territori on se celebra el col·loqui assegura una feina ben feta.
[+]
Lo chueves 30 de mayo de 2024 tenió lugar en o Paraninfo d'a Universidat de Zaragoza la presa de posesión solemne d'o profesor Juan Pablo Martínez Cortés como director de l'Instituto de l'Aragonés de l'Academia Aragonesa de la Lengua y la presentación d'o libro Ortografía de l’aragonés que replega la normativa ortografica oficial aprebada per esta corporación en abril de 2023.
[+]