L'Academia Aragonesa de la Lengua participará este sabado 10 de febrero en un emotivo homenache organizau per lo Concello de l'Aínsa-Sobrarbe en colaboración con atras institucions.  En l'acto, que encomenzará a las 18:00 en o Centro Cultural de l'Aínsa, participarán destacadas personalidaz de l'ambito d'a literatura, la luenga, la mosica y la ensenyanza, asinas como amigos, familiars y antigos alumnos d'Ánchel.

L'Academia inaugura la suya colección de publicacions con a edición d'a Ortografía de l'aragonés. Esta edición, que ha contau con a colaboración d'o Gubierno d'Aragón, replega lo texto d'a norma ortografica oficial pa la escritura de l'aragonés, aprebau lo pasau 3 d'abril per lo Pleno de l'AAL a propuesta de l'Instituto de l'Aragonés.

Lo Plenario de l'Instituto de l'Aragonés, en a sesión monografica celebrada lo pasau 17 de chinero, ha eslechiu a lo profesor Juan Pablo Martínez como nuevo director de l'Instituto de l'Aragonés, cubrindo asinas la vacant producida a resultas d'a muerte d'Ánchel Conte.

L'academico Ánchel Conte Cazcarro (Alcoleya de Cinca, 1942) ha muerto esta pasada nueit en Almería, a los uitanta y un anyos, dimpués d'un empioramiento d'a suya malotía respiratoria. Ánchel Conte ha estau miembro d'a institución normativa dende la suya constitución en 2021, y ha teniu un paper bien important en este periodo. Estió eslechiu, per unanimidat, director de l'Instituto de l'Aragonés, y presidió los treballos d'a Comisión de Grafía que levó enta la elaboración y aprebación d'a ortografía normativa de l'aragonés.

Lo president de l'Academia Aragonesa de la Lengua, Javier Giralt, y lo Lugartenient d'o Chusticia (en funcions de Chusticia), Javier Hernández, han sinyau lo viernes 15 de setiembre en o palacio d'Armijo un convenio marco de colaboración entre las dos institucions.

Lo president y lo secretario de l’Academia mantenioron una reunión lo viernes 7 de chuliol en o Palacio d’Armijo, siede d’o Chusticia d’Aragón, con Javier Hernández, lo Lugartenient d’o Chusticia -en funcions de Chusticia dimpués d’a renuncia d’o Chusticia Ángel Dolado-, y con Mª Jesús Cruz, l’asesora en l’Aria d’Educación, Universidat, Cultura y Patrimonio.

Lo 26 de chunyo lo president de la Societat d’Onomàstica, lo profesor Pere Navarro (Universitat Rovira i Virgili), acompanyau d'a secretaría cheneral, Mar Batlle, y los vocals Andreu Beltran y Eugeni Perea, se van reunir en a siede de l’AAL con o suyo president, Javier Giralt, lo secretario, Juan Pablo Martínez y la tresorera, Maite Moret.

Dimpués de l'aprebación d'a Ortografía de l'aragonés y la suya publicación en o BOA d'o 20 d'abril pasau, lo Plenario d'o Instituto de l'aragonés se va reunir lo pasau 22 de mayo pa planificar y priorizar los siguients treballos a emprender. Lo Plenario decidió d'iniciar en os meses venients lo treballo d'as cinco seccions, encomenzando per las seccions de Gramatica y Lexicografía, encargadas d'elaborar obras que se consideran prioritarias pa la codificación de l'aragonés.

El pleno de la Academia Aragonesa de la Lengua, en las sesiones celebradas los pasados 17 de abril y 4 de mayo, tuvo conocimiento de la carta enviada por la Dirección General de Política Lingüística en relación con la Ortografía de l’aragonés, aprobada el 3 de abril del corriente y publicada en el Boletín Oficial de Aragón el día 20 del mismo mes. Tras estudiar y analizar lo que dicha carta propone, la Academia Aragonesa de la Lengua quiere hacer las siguientes consideraciones.