L'Academia Aragonesa de la Lengua ha aprebau, en os zaguers meses, la firma de convenios de colaboración con diversas entidaz locals aragonesas, con l'obchectivo de fomentar l'uso, la protección y la promoción d'as luengas propias d'Aragón. Lo pasau 22 de deciembre se formalizoron los convenios con a Comarca de Sobrarbe y los concellos de l'Aínsa-Sobrarbe y Estadilla.

L'Academia Aragonesa de la Lengua ha lanzau lo primer volumen d'a suya nueva publicación cientifica, la Revista de l'Academia Aragonesa de la Lengua (RAAL). Esta revista, d'acceso ubierto y revisada per pars, naix con l'obchectivo de promover la investigación y lo debat cientifico sobre l'aragonés y lo catalán en aragón, mirando de fomentar la suya dignificación y normalización. Lo volumen inaugural, ya disponible en linia y dirichiu per Javier Giralt Latorre, reúne un conchunto d'estudios de reconoixius especialistas que abracan disciplinas como la sociolingüistica, la paremiolochía, la dialectolochía, la lexicografía, la toponimia y la fonetica diacronica d'as luengas propias d'Aragón.

Lo Congreso d'os Deputaus, en colaboración con o Ministerio de Cultura d'o Gubierno d'Espanya van commemorar lo pasau chueves 26 de setiembre lo Día Europeu d'as Luengas con un acto de reconoixencia a lo plurilingüismo en Espanya en que participoron representants de totas las academias d'as luengas oficials y estatutarias.

L’Academia Aragonesa de la Luenga participó en a chornada «La investigación sobre las lenguas minoritarias de Aragón: proyectos actuales y sinergias futuras», celebrada lo viernes 2 d’octubre en a Facultat de Filosofía y Letras d’a Universidat de Zaragoza. La trobada, organizada por os grupos d’acción de Campus Iberus GALMAr y ICON, en os cuals tamién participa l'Academia como entidat externa, permitió de compartir linias d’investigación sobre l’aragonés y lo catalán en Aragón y explorar futuras accions conchuntas de transferencia y comunicación científica.

Bielsa acullirá, d’o 16 a o 18 d’octubre, las I Chornatas de l’Aragonés «Tornar ta Bielsa», una trobada que achuntará parladors d’o territorio con o mundo academico y editorial. Lo programa combinará charratas y coloquios con cine, literatura, musica y una visita cultural. Las inscripcions ya son ubiertas.

L’Academia Aragonesa de la Lengua participó lo pasau 4 de chuliol en Vielha en a chornada “Era norma dera lengua occitana: estandard/referenciau/generau”, una trobada academica organizada per l’Institut d’Estudis Aranesi – Acadèmia Aranesa dera Lengua Occitana y l’Institut d’Estudis Occitans.

El 29 de maig, l’acadèmic Ramon Sistac va participar, en representació de l’Academia Aragonesa de la Lengua, en la inauguració de Litterarum, la fira d’espectacles literaris que se celebra a Móra d’Ebre.

El 28 de maig, el president de l’Academia Aragonesa de la Lengua, Javier Giralt, va participar a València en l’acte de celebració del 25è aniversari de l’Acadèmia Valenciana de la Llengua.

Lo 9 de mayo se celebró en Tarazona a Chornada de Lexicografía Historica de l'Aragonés, organizada por lo Centro de Estudios Turiasonenses. Lo secretario de l’Academia Aragonesa de la Lengua y director de l’Instituto de l’Aragonés, Juan Pablo Martínez, participó en a chornada en representación d’a institución.