L’Academia Aragonesa de la Lengua y l'Acadèmia Valenciana de la Llengua enforteixen los suyos vinclos de colaboración en una visita institucional

L'Academia Aragonesa de la Lengua ha recibiu recientment una visita institucional de l'Acadèmia Valenciana de la Llengua, una trobada que s'enmarca  en l'acuerdo de colaboración vichent entre las dos institucions pa la difusión y promoción de l'uso d'as luengas propias.

La reunión s'ha celebrau en a Facultat de Filosofía y Letras d'a Universidat de Zaragoza. Por esta razón, los participants son estaus recibius per lo degán d'a facultat, José Antonio Beltrán Cebollada, a qui l'AAL ha quiesto expresar lo suyo agradeiximiento per la cesión d'un puesto adecuau pa la reunión.

En nombre de l'AAL, i han asistiu lo president, Javier Giralt, lo secretario, Juan Pablo Martínez, y la tresorera, Maria Teresa Moret; y en nombre de l'AVL, la presidenta, Verònica Cantó, y la secretaria d'a institución, Immaculada Cerdà.

En a reunión s'han compartiu experiencias de treballo, prochectos en curso y linias de cooperación interacademica en os campos d'a investigación, la estandarización lingüistica y a difusión cultural.

Uno d'os puntos mas significativos d'a reunión ye estau l'acuerdo concreto sobre la colaboración entre las dos institucions, con a cesión a l'AAL per part de l'AVL d'o codigo fuent d'as suyas ferramientas lexicograficas, con o fin de que l'Academia Aragonesa de la Lengua pueda desenvolver instrumentos parellans dentro d'os suyos prochectos de recursos lexicograficos y dichitals.

Con esta reunión, as dos institucions reafirman lo suyo compromís d'aprofundir en a suya colaboración, intercambiando conoiximientos y promovendo iniciativas conchuntas que contribuigan a lo prestichio, lo perfil y l'uso social d'as luengas propias.