L'Academia Aragonesa de la Lengua y lo municipio de Mequinensa sinyan un convenio de colaboración
Lo Concello de Mequinensa y l'Academia Aragonesa de la Lengua (AAL) han sinyau un alcuerdo de colaboración pa enfortir la protección, l'uso y a promoción d'o catalán en o municipio. Este ye lo primer alcuerdo que l'Academia ha sinyau con un municipio de fabla catalana en Aragón. Dica agora, a institución heba formalizau acuerdos con cuantos concellos y comarcas pa promover a protección y promoción de l'aragonés.
La firma s'ha feito en o Castiello de Mequinensa, lo escenario an que se va forgar la Declaració de Mequinensa de 1984, un documento clau en o reconoiximiento institucional d'o catalán d'Aragón que promovió la suya ensenyanza voluntaria en as escuelas.
L'acuerdo, sinyau per l'alcalde de Mequinensa, Antonio Sanjuán Soler, y lo president de l'Academia Aragonesa de la Lengua, Javier Giralt Latorre, será vichent per cuatro anyos. Iste alcuerdo estableix un marco de colaboración pa desenrollar iniciativas culturals, educativas y cientificas ligadas a lo patrimonio lingüistico d'a localidat. Entre as actividaz previstas, l'Academia asesorará a lo Concello sobre l'uso d'o catalán de Aragón, aduyará en a revisión y traducción de textos, y s'organizará conferencias, seminarios y cursos de divulgación. D'a mesma traza, s'ha creau una Comisión Mixta de Seguimiento, con representants d'as dos institucions, pa coordinar y valurar as accions planificadas.
A la ceremonia de firma y a la reunión posterior tamién i asistioron Juan Pablo Martínez y Maite Moret, Secretario y Tresorera de l'Academia Aragonesa de la Lengua, y Darío Vidallet, Concellero de Cultura y Patrimonio; Raquel Caballé, Concellera d'Educación; Sheila Abella, Concellera de Desenrollo Economico y Turismo; y Montse Gimeno, concellera de Ciudadanía y Servicios Socials. Mientres la reunión se va conoixer la muerte de l'academico José Bada, un d'os principals promotors d'a Declaració de Mequinensa.
Con este nuevo convenio, l'Academia amplía lo suyo ret de colaboracions institucionals. Este convenio se suma a acuerdos anteriors formalizaus con entidaz como lo Chusticia d'Aragón, la Universidat de Zaragoza y la Comarca de Sobrarbe, asinas como con concellos como los de Fonz, Estadilla, l'Aínsa y Oz de Tena.
