Ubierto dica lo 30 d'abril lo termino de presentación d'articlos pa lo volumen 2 d'a Revista de l'Academia Aragonesa de la Lengua (RAAL)

La Revista de l'Academia Aragonesa de la Lengua (RAAL) ubre lo termino de recepción d'orichinals pa lo suyo Volumen 2, correspondient a l'anyo 2026. Editada per l'Academia Aragonesa de la Lengua, la revista (ISSN-e: 3101-2825, ISSN: 3101-3864) constituye un espacio academico de referencia pa la investigación en lingüistica romanica, sociolingüistica y atras especialidaz afins, con especial atención a l'aragonés, lo catalán en Aragón y lo suyo contexto cultural.

S'envita a la comunidat investigadera a ninviar treballos orichinals sobre lingüistica, filolochía, sociolingüistica, dialectolochía, onomastica, literatura, historia d'a luenga y atros ambitos relacionaus con l'aragonés, lo catalán en Aragóno y lo suyo contexto cultural. Lo termen de recepción d'orichinals pa este segundo volumen remata lo 30 d'abril vinient. S'acepta articlos redactaus en aragonés y catalán (luengas propias d'a revista) asinas como en atras luengas romanicas y anglés.

Datas d'interés:

• Termino pa lo ninvio d'articlos: dica lo 30 d'abril de 2026
• Notificación de contribucions aceptadas: 31 de mayo de 2026
• Publicación d'o volumen: 2026

Las normas pa autors y lo sistema de ninvio se pueden consultar en a pachina web d'a revista. Los artículos son revisaus con un sistema de revisión per pars doblement ciega. Los contenius d'a revista son d'acceso ubierto immediato. Los autors conservan los dreitos d'autor y atorgan a la RAAL lo dreito de primera publicación. Los textos se publican baixo la licencia CC BY-NC-ND 4.0, que permite de compartir los treballos citando la fuent, sin fins comercials y sin fer-ne obras derivadas.

Adrezas d'interés:

• Portal web de la revista
• Ninvio d'artículos (recomendau)
• Correu electronico pa información y ninvios: revistas@academiaaragonesadelalengua.org