Se celebra en Mequinenza y Calaceite lo 50eno Coloquio d'a Societat d'Onomàstica.
Este cabo de semana se celebra en Mequinenza y en Calaceite lo 50eno Coloquio d'a Societat d'Onomàstica (SdO), en a organización d'o cual cal destacar lo paper de l'Academia Aragonesa de la Lengua. Lo zaguer coloquio d'a SdO en Aragón s'organizó en Fraga en 1994. Trenta anyos dimpués, i torna. Este coloquio ye tamién un motivo de celebración pa la SdO, ya que fa veyer la importancia que ha teniu la SdO a la hora de propiciar los estudios sobre la onomastica de l'ambito catalanofono (y d'atros territorios) y la participación d'investigadors procedents de disciplinas diversas.
En esta ocasión, lo 50eno Coloquio d'a Sociedat d'Onomastica quiere convertir-se en una oportunidat pa fomentar l'interés per la toponimia y la antroponimia en Aragón y pa incentivar la investigación sobre los nombres de puesto y de persona d'Aragón y, en consecuencia, per potenciar la valor d'a onomastica como patrimonio immaterial que la sociedat ha de protecher.
Como ye habitual en os coloquios d'a Sociedat d'Onomastica, una d'as linias que s'ofreix ha permitiu presentar comunicacions relacionadas con a onomastica en cheneral, encara que parando especial cuenta, en esta ocasión, en a etimolochía que s'amaga debaixo de cada nombre de puesto y de persona. L'atra, será dedicada a la onomastica aragonesa, per lo cual s'han presentau comunicacions referidas a cualsequiera d'os ambitos lingüisticos d'Aragón (catalán, aragonés y castellano).
Lo programa inclui ponencias a cargo d'os profesors Jesús Vázquez, Javier Terrado, Ramon Sistac, Hèctor Moret y Javier Giralt y una vintena de comunicacions.
Lo coloquio d'estianyo ye organizau per la Societat d'Onomàstica, l'Academia Aragonesa d'a Luenga, l'Institut d'Estudis Catalans y los prochectos ToponHisp (TopArcMed y TopACaLaR). Colaboran l'Instituto de Estudios d'o Baix Cinca, l'Asociación Cultural d'o Matarraña, lo Concello de Mequinenza, lo Concello de Calaceite, l'Asociación Cosetas d'o Lugar (Mequinensa), l'Instituto de Estudios Altoaragoneses, l'Instituto de Patrimonio y Humanidaz (UZ) y lo Vicerrectorau de Politica Cientifica d'a Universidat de Zaragoza.
Programa d'o coloquio d'a Societat d'Onomàstica