Lo 26 de chunyo lo president de la Societat d’Onomàstica, lo profesor Pere Navarro (Universitat Rovira i Virgili), acompanyau d'a secretaría cheneral, Mar Batlle, y los vocals Andreu Beltran y Eugeni Perea, se van reunir en a siede de l’AAL con o suyo president, Javier Giralt, lo secretario, Juan Pablo Martínez y la tresorera, Maite Moret.
La visita, en primeras de cortesía entre las dos chuntas, tenió un carácter productivo, ya que se i forgoron vinclos de colaboración pa organizar de manera conchunta en Aragón lo 50o Coloquio d'a Sociedat d'Onomastica la proxima primavera de 2024, asinas como pa publicar estudios toponomasticos que se fagan en un futuro.
En esta reunión se va determinar la comisión que organizará lo proximo Coloquio y se metioron sobre la mesa bellas ideyas sobre las ponencias principals, asinas como los posibles temas d'o coloquio, an que la toponimia aragonesa tendrá un protagonismo especial, y que s'acabarán de perfilar lo mes de setiembre en a siguient reunión que se convocará pa tratar toz los aspectos necesarios pa que este 50o Coloquio siga tot un exito.
