Glòria Francino, nueva academica de numero de l'AAL

Glòria Francino, nueva academica de numero de l'AAL

La filóloga y escritora ribagorzana Glòria Francino Pinasa va estar triada per lo Pleno de l'Academia Aragonesa de la Lengua lo pasau 12 de febrero, y s'incorporará a l'Institut Aragonès del Català

Lo pasau mierques 12 de febrero de 2025, en sesión extraordinaria d'o Pleno de l'Academia Aragonesa de la Lengua, se celebró la votación pa la provisión d'una vacant en l'ambito lingüistico d'o catalán en Aragón, creada dimpués d'a renuncia de Merxe Llop. Dimpués d'un proceso en o cual los academicos de numero podioron presentar candidaturas avaladas per a lo menos un tercio d'os miembros d'o Pleno, la candidatura de Glòria Francino Pinasa estió eslechida per unanimidat.

Con esta elección, Glòria Francino s'une a los academicos y academicas que componen l'Academia Aragonesa de la Lengua, con l'obchectivo d'asegurar lo compromís d'a entidat con a diversidat lingüistica d'Aragón y, en particular, con a investigación y difusión d'a luenga catalana charrada en o territorio aragonés.

Glòria Francino, nueva academica de numero

Toponimia de Sopeira

,

Perfil de Glòria Francino Pinasa

Glòria Francino Pinasa ye natural de Sopeira (Ribagorza) y licenciada en Filolochía Hispanica (1980) y en Filolochía Catalana (1985). La suya trachectoria profesional ye estada marcada per la docencia, que ha exerciu como profesora de luenga castellana y literatura en ensenyanza secundaria, cuerpo de docents en o cual obtenió la reconoixencia como catedratica en 2008.

Lo suyo treballo ha destacau en cuantas vesants. D'una man, per lo suyo compromís con a luenga catalana en Aragón. Ye defensora activa d'o catalán ribagorzano y miembro d'o Centre d’Estudis Ribagorçans (CERib), y colabora con publicacions como Temps de Franja, Ripacurtia y Sopeira. Revista d’Amics de l’Alaó.

Dende una perspectiva cientifica, ha contribuyiu con investigacions sobre la luenga y la onomastica ribagorzana, y ha participau en prochectos d'o Ministerio de Ciencia y Tecnolochía sobre la toponimia y la historia lingüistica d'a rechión. Ha formau parte de estudios que han produciu mas de cuaranta monografías, incluyindo publicacions en catalán sobre los municipios de Bonansa, Sopeira y el Pont de Suert.

En l'ambito literario, ha publicau narracions de ficción en antolochías como Punt per agulla. Mostra de la narrativa breu contemporània de l’Aragó catalanòfon y Te de penya. Asinas mesmo, la suya labor en o campo didactico ha dau lugar a obras como Benvolgut setembre (2019), un material educativo que ha estau traduciu a bellas cuantas luengas.

La suya incorporación a l'Academia Aragonesa de la Lengua suposa la reconoixencia a una trachectoria adedicada a lo estudio, la ensenyanza y la promoción d'a luenga catalana en Aragón, consolidando-la como una de las figuras clau en a defensa d'o patrimonio lingüistico ribagorzano.