L'Academia Aragonesa de la Lengua homenacheya a Ánchel Conte en o Paraninfo d'a Universidat de Zaragoza

L'Academia Aragonesa de la Lengua organizó lo 18 de febrero la primer edición de "Voces d’Aragón - Veus d’Aragó”, adedicada a lo poeta, escritor y academico Ánchel Conte, baixo lo lema "La voz que no s’amortará", en o marco d'os actos de celebración d'o Día Internacional d'a Luenga Materna. L'acto se fació en l'Aula Magna d'o Paraninfo d'a Universidat de Zaragoza.

La chornada s'ubrió con un acto inaugural en o cual van intervenir lo vicerrector de Cultural d'a Universidat de Zaragoza, Eliseo Serrano, lo president de l'Academia Aragonesa de la Lengua, Javier Giralt, lo director de l’Instituto de l’Aragonés, Juan Pablo Martínez, y Ignacio Barroso, mariu d'Ánchel Conte. De seguiu, i habió un bloque de ponencia sobre lo legau y la obra de l'autor, con a participación de Juan José Generelo (director de l’Archiu Historico de Uesca), Chusep-Raúl Usón (editor y escritor) y Antonio Pérez Lasheras (profesor d'a Universidat de Zaragoza).

Contino, se va fer una mesa redonda sobre la escritura en luengas minorizadas, moderada per l'academica Marta Marín Bráviz, con a participación de Lucía López Marco, Inaciu Galán y González y Merche Llop Alfonso, escritors en luenga aragonesa, asturiana y catalana, respectivament. La chornada remató con una sesión musical a cargo d'o compositor y profesor d'a Universidat de Zaragoza, Gabriel Sopeña, que va servir como brindis final en memoria d'Ánchel Conte.

Debaixo se pueden trobar la gravación completa de l'acto y un resumen en video, tamién disponibles en a canal de Youtube de l'Academia Aragonesa de la Lengua.