La Sala Paraninfo d'o Paraninfo d'a Universidat de Zaragoza acullió l'acto solemne de presa de posesión de Javier Giralt Latorre como president de l'Academia y director de l'Institut Aragonès del Català, y d'Ánchel Conte Cazcarro como director de l'Instituto de l'Aragonés. Javier Giralt ye profesor d'a Universidat de Zaragoza y estió eslechiu primer president de l'Academia en o Pleno celebrau l'1 d'octubre de 2021. Lo pasau mes de marzo los Plenarios de l'Instituto de l'Aragonés y l'Institut Aragonès del Català, dimpués de constituyir-se, eslichioron a lo escritor alcoleyano Ánchel Conte y a Javier Giralt, como directors d'estes dos organos de l'Academia. Este primer acto publico de l'Academia estió presidiu per la Vicerrectora de Cultura d'a Universidat de Zaragoza y contó con a presencia d'autoridaz institucionals y academicas, asinas como con l'actuación d'o grupo La Chaminera.