Glòria Francino Pinasa

Natural de Sopeira (Ribagorza) y licenciada en Filolochía Hispanica (1980) y en Filolochía Catalana (1985). La suya trachectoria profesional ha estau marcada per la docencia, que ha exerciu como profesora de luenga castellana y literatura en educación secundaria, cuerpo de docents en o cual obtenió lo reconoiximiento como catedratica en 2008.

Ye defensora activa d'o catalán ribagorzano y miembro d'o Centro d’Estudios Ribagorzanos (CERib), y colabora con publicacions como Temps de Franja, Ripacurtia y Sopeira. Revista d’Amics de l’Alaó. Ha feito contribucions cientificas con investigacions sobre la luenga y la onomastica ribagorzana y ha participau en prochectos d'o Ministerio de Ciencia y Tecnolochía sobre la toponimia y la historia lingüistica d'a rechión. Ha feito parte d'estudios que han produciu mas de cuaranta monografías, incluyindo publicacions en catalán sobre los municipios de Bonansa, Sopeira, Vilaller, el Pont de Suert u la Vall de Boí.

En l'ambito literario, ha publicau narracions de ficción en antolochías como Punt per agulla. Mostra de la narrativa breu contemporània de l’Aragó catalanòfon y Te de roca. Asinas mesmo, la suya fanyena en o campo didactico ha dau lugar a obras como Benvolgut setembre (2019), un material educativo que ha estau traduciu a bellas cuantas luengas.

Glòria Francino Pinasa estió eslechida academica de numero per lo Pleno de l'Academia Aragonesa de la Lengua en sesión extraordinaria celebrada lo 12 de febrero de 2025.