L'Academia Aragonesa de la Lengua participará este sabado 10 de febrero en un emotivo homenache organizau per lo Concello de l'Aínsa-Sobrarbe en colaboración con atras institucions. En l'acto, que encomenzará a las 18:00 en o Centro Cultural de l'Aínsa, participarán destacadas personalidaz de l'ambito d'a literatura, la luenga, la mosica y la ensenyanza, asinas como amigos, familiars y antigos alumnos d'Ánchel.
Las diferents intervencions esgranarán memorias de totas las etapas vitals d'Ánchel, y repasarán las suyas multiples facetas: lo mayestro, lo historiador, lo escritor, l'activista y tamién la d'academico de l'Academia Aragonesa de la Lengua, función que desempenyó como primer director de l'Instituto de l'Aragonés y president d'a comisión de treballo que elaboró la Ortografía de l'aragonés. Este emotivo acto contará con as actuacions mosicals de La Orquestina del Fabirol, Kike Ubieto y Os Chotos, Gabriel Sopeña y Joaquín Pardinilla y lo Grupo Viello Sobrarbe, fundau per Ánchel Conte.
Cartel de l'homenache a Ánchel Conte