L'Academia Aragonesa de la Lengua participa en a Chornada de Lexicografía Historica de l'Aragonés celebrada en Tarazona

Lo pasau 9 de mayo se celebró en Tarazona a «Chornada de Lexicografía Historica de l’Aragonés», organizada por o Centro de Estudios Turiasonenses. Lo secretario de l’Academia Aragonesa de la Lengua y director de l’Instituto de l’Aragonés, Juan Pablo Martínez, participó en a chornada en representación d’a institución.

La trobada reunió especialistas y personas interesadas en o estudio d’o lexico aragonés, con l’obchectivo de compartir experiencias, meter en común materials y abanzar en a creación de ferramientas útils pa la investigación lexicografica.

La chornada incluyió conferencias, mesas de treballo y espacios de debat alredol d’a documentación historica, la replega de datos, los estrumentos de consulta y la representación cheografica y lingüistica d’o lexico.