PRESENTACIÓN
Lo Instituto de l'Aragonés ye l'organo de l'Academia Aragonesa de la Lengua encargau de proposar a lo Pleno las normas d'uso correcto d'a luenga aragonesa y veilar per la suya aplicación. Las competencias d'o Instituto de l’Aragonés son:
a) Investigar y proposar a lo Pleno de l'Academia Aragonesa de la Lengua las normas gramaticals de l'aragonés, tenendo en cuenta las suyas variedaz lingüisticas.
b) Inventariar y actualizar lo suyo lexico.
c) Estimular l'uso, ensenyanza y difusión de l'aragonés y d'as suyas diferents modalidaz.
d) Defender y promover l'aragonés y las suyas modalidaz y veilar per los dreitos lingüisticos d'os parladors d'aragonés.
d) Colaborar en a formación d'o profesorau.
e) Proposar lo criterio d'autoridat en as cuestions relativas a la normativa, actualización u uso correcto d'a luenga aragonesa.
f) Asesorar a los poders publicos y institucions sobre temas relacionaus con l'uso correcto de l'aragonés, la suya promoción social, asinas como sobre la determinación oficial d'os toponimos y antroponimos.
g) Las que, en l'ambito d'a suya competencia, li encomiende lo Gubierno d'Aragón a l'Academia. Actualment, lo Instituto de l'Aragonés ye formau per nueu miembros de numero:
- María Luisa Arnal Purroy
- María Pilar Benítez Marco
- Manuel Castán Espot
- María Ángeles Ciprés Palacín
- Juan Pablo Martínez Cortés
- Francho Nagore Laín
- Francho Rodés Orquín
- José Solana Dueso
- Ánchel Conte Cazcarro (†)
La Comisión Permanent d'o Instituto de l'Aragonés ye formada per Juan Pablo Martínez (director), José Solana (secretario-administrador), María Pilar Benítez (vocal) y Manuel Castán (vocal).
Pa fer las suyas funcions, lo Instituto de l'Aragonés s'articula en seccions, que son organos colechiaus permanents, y comisions, organos de caracter eventual con una finalidat concretoa, complida la cual, s'extinguen. Lo Instituto de l’Aragonés consta de cinco seccions: Gramatica, Lexicografía, Sociolingüistica, Onomastica y Ensenyanza. Amás, ha constituyiu la Comisión de Grafía que, entre l'11 d'abril de 2022 y lo 20 de marzo de 2023 elaboró la Ortografía de l'aragonés, aprebada per lo Pleno de l'Academia lo 3 d'abril de 2023.
